Tơpui a rôh hôp tơpui tơno, Kăn xiâm hnê ngăn Kuô̆k hô̆i rơhêng vâ péa pâ po rơdâ tơrŭm tung mâu kơvâ cheăng on tơhrik ƀă kong ngê̆ ngiât. Việt Nam dế mơdêk pơhlêh on tơhrik, mơjiâng on tơhrik vêh pro. Uzbekinstan, ƀă mâu kế tơmeăm ki ai xêh ing kong kế ƀă ki ai hlâu ‘na on tơhrik vêh pro, mơni kô chiâng kong têa tơrŭm cheăng tung la ngiâ tung tối tơbleăng ki rơkê plĕng, kong ngê̆ ƀă ‘no liăn pêi cheăng tung mâu tơdroăng tơkêa pro on tơhrik krá ton.

Mâu khu mơdró kâ 2 tơnêi têa hbrâ rơnáu tơdjêp, tăng ‘nâi, tối tơbleăng tơdroăng kal vâ ai túa, tơdroăng tơkêa tơrŭm cheăng ‘no liăn tơƀrê, tơdrêng amê hlối gum rơtế tí tăng kơchơ tê mơdró dêi rơpó xuân môi tiah po rơdâ kơchơ tê mơdró tung kơpong ASEAN ƀă kơpong Trung Á ƀă hên tơdroăng ki ai hlâu, tơnêi tơníu.