Rôh pôu păng ‘nâng troh kong têa Rusi dêi pôa Tô Lâm, kăn xiâm pơkuâ hnê ngăn cheăng Đảng prế kơdrâi pôa kô veăng gum mơdêk tơdroăng cheăng kal kí péa tơnêi têa, ‘mâi mơnhông tơrŭm cheăng khôi hmâ, Kong têa tơrŭm cheăng tung la ngiâ tŭm têk ƀă Rusi, po rơdâ tơrŭm cheăng pơla péa pâ tung hên tơdroăng ki ai hlâu môi tiah on tơhrik vêh pro, kong ngê̆ rơxông nếo, tuăn ngoâ kuăn mơngế, khoa hok, y sinh hok.

Tung la ngiâ, péa pâ kal thăm mơnhông tâ nếo tơrŭm tung kơvâ hnê hriâm hnê cheăng pêi, Hriăn plĕng vâ xúa mâu troăng hơlâ tŏng gum nôkố, mâu hnoăng liăn hriâm rơkê ki peăng Rusi hbru ăm Việt Nam vâ hnê mâu ngế cheăng rơkê ki tơnêi pin dế kal ăm mơjiâng tơnêi têa.