Pôa Phạm Minh Chính, Ngế pro xiâm hnê ngăn Chin phuh nếo kĭ Pơkâ ‘na tơdroăng pơcháu Hnoăng pro kăn hnê ngăn Vi ƀan kong pơlê Dak Lak pơla hơnăm 2026 ăm kơ pôa Nguyễn Thiên Văn. Tiô Pơkâ kố, pôa Nguyễn Thiên Văn, phŏ kăn hnê ngăn Vi ƀan kong pơlê châ pơcháu Hnoăng pro kăn hnê ngăn Vi ƀan kong pơlê pơla hơnăm 2021 – 2026.

Pôa Nguyễn Thiên Văn kot mâ hơnăm 1973, hdroâng Xuăn, pơlê xiâm Nghệ An. Tơdroăng hriâm: Kỹ sư Nông nghiệp, Cử nhân Luật, Thak sih Hành chính công, phŏ kăn hnê ngăn, klêi mê pro Kăn hnê ngăn Khu tơrŭm pêi cheăng kong pơlê Dak Lak, Kăn pơkuâ ngăn Đảng tơring Ea Súp. Khế 6/2023, pôa Nguyễn Thiên Văn châ Hô̆i đong hnê ngăn kong pơlê pôk pro kăn phŏ hnê ngăn Vi ƀan kong pơlê.

Hdrối pôa Văn châ pơcháu hnoăng pro kăn hnê ngăn, Vi ƀan hnê ngăn kong pơlê Dak Lak xo hnoăng kố xua pôa Nguyễn Ngọc Nghị pâ lo pơtê pêi cheăng ƀă Hô̆i đong hnê ngăn kong pơlê Dak Lak hiăng ăm pôa pơtê sap ing hâi lơ 25/4/2025.