Kăn xiâm hnê ngăn Kuô̆k hô̆i tối tiah kố, nôkố kuăn pơlê dế tơkôm tơdroăng pêi pro tơkŭm kơ koan, pêi cheăng tơƀrê, xêt, rơkê. Xua hâi khế hdrối nah, Đảng, Tơnêi têa hiăng pơkâ mơ’no hên tơdroăng vâ tơkŭm pro iâ khu tơrŭm kơ koan cheăng. La ki khât, tơdroăng kơdroh ối cho tơdroăng hriâm, chiâng tơdjâk troh kơ koan cheăng ối tơvâ tơvân, ƀiên chê̆ rế hlo hên.

Rôh kố tơdroăng pêi pro tơkŭm kơ koan cheăng tiô tơdroăng Pơkâ 18 cho troăng hơlâ ki tro hiâm mơno kuăn pơlê. Túa tơmiât dêi Đảng tro ƀă hiâm mơno kuăn pơlê. Vâ pêi pro mâu tơdroăng kố mê pơla hneăng má péa xơpá. Xơpá cho athế ‘mâi pơhlêh Luât. Kăn xiâm hnê ngăn Kuô̆k hô̆i tối nhên, tơdroăng ‘mâi pơhlêh Luât, pêi pro klêi troăng hơlâ luât ƀă mâu pơkâ athế prôk hdrối môi hvêa, vâ pro chiâng tơdroăng luât krá rơdêi ăm khu tơrŭm pêi pro.