
Klêi kơ’nâi tơmâng tối tơbleăng dêi Khu xiâm ngăn tê mơdró, rơkong tơpui tối dêi mâu ngế ki teăng mâ mâu khu xiâm kơvâ cheăng, kơ koan, tơpui mơgêi, pôa Phạm Minh Chính, Ngế pro xiâm hnê ngăn tơnêi têa tối tiah kố troh nôkố, peăng Mih hiăng mơ’no tối hâi khế tơpui tơno, ăm hlo hiâm mơno, tiô tơhrâ tung trâm mâ khu râ kăn xiâm ƀă mâu rôh pêi cheăng, trâm mâ klêi kơ’nâi mê pơla péa pâ.

Ngế pro xiâm hnê ngăn tơnêi têa pơkâ thế, tung pơla tơpui tơno kal séa ngăn tơdroăng ôh tá tơniăn vâ ‘mâi pơhlêh hâi khế pơtroh ăm tơtro ăm tá péa pâ. Ngế pro xiâm hnê ngăn tơnêi têa hnê mơhno rơnáu nhên mâu tơdroăng kal vâ tơpui; séa ngăn pơkâ thế dêi Việt Nam ƀă pơkâ dêi Mih, séa ngăn klêi kơ’nâi hriăn ngăn, mâu tơdroăng pêi pro nhên dêi Việt Nam ƀă rak vế mâu tơhrâ kong têa ê vâ mơ’no tối túa tơpui tơno tơtro, mơhno hiâm mơno vâ, môi tuăn ƀă malối cho tơdroăng tơrŭm krá, tung tơdroăng tơrŭm tơroâ la tơdrăng nhên túa tơmiât pơkâ.
Viết bình luận