Teăng mâ mâu kăn pơkuâ, Đảng, Tơnêi têa, pơtroh rơkong kơ-êng, tơdroăng pâ mơnê ƀă mâu hiâm mơno ki lĕm tro khât má môi troh tâi tâng mâu mố đô̆i, mâu droh rơtăm djâ troăng ahdrối, mâu khu lêng kring vế, mâu Jâ Nôu Việt Nam khên tơnôu, mâu rơpŏng ai hnoăng ƀă tơnêi têa, mâu mố đô̆i tro rong, mố đô̆i châi tamo, rơpŏng mố đô̆i hlâ hneăng tung lâp tơnêi têa; kăn xiâm pơkuâ hnê ngăn cheăng Đảng tối rơdêi, Ƀlêi trâng Rơnó Hơngui hơnăm 1975 ôh ti xê to pơxúa sap nah tá chói ai ƀă hdroâng mơngế Việt Nam, mê ối ai ivá chal nếo rơkê plĕng, mơhnhôk rơdêi tơdroăng tơplâ tơleăng lĕm hdroâng mơngế tung lâp plâi tơnêi.

Mê cho ƀlêi trâng dêi hiâm mơno pâ nhuô̆m tơnêi têa khât, dêi khu tơrŭm tâi tâng hdroâng mơngế. Mê cho ƀlêi trâng dêi lối rơtuh ngế ki têm rơpiât, hbrâ rơnáu pleăng khế hơnăm dêi tơná, thăm nếo tá châ chăn tơdroăng hlâ rêh dêi tơná ăm tơnêi têa châ hơniâp lĕm ƀă tơrŭm môi, ăm hdroâng mơngế châ tơniăn.

Kăn xiâm pơkuâ hnê ngăn cheăng Đảng tối rơdêi: Đảng, Tơnêi têa đi đo ngăn nhuô̆m hnoăng “mơnê mâu ngế ki ai hnoăng”, khu pơkuâ tơdroăng luât kơjo gum mâu ngế ki ai hnoăng ôh tá la lâi pơtê pêi pro klêi, rế hía rế tơdâng tơ’mô, rơkê plĕng tro ƀă ki ai khât.