Ing mê, mơjiâng tơdroăng ki mơnhông vâ kong pơlê pơtối mơdêk mâu tơdroăng mơhnhôk mơ’no liăn cheăng, tơbleăng, troh lâp lu tâ ki kơnâ khôi túa lĕm vâi krâ nah dêi mâu hdroâng kuăn ngo a kong pơlê. Tung Pái khế apoăng hơnăm kố, kong pơlê Dak Lak hiăng tơdah 700 rơpâu roh tơmối ôm hyô, tung mê, ai lối 16.500 roh tơmối lâp plâi tơnêi.

Tâi tâng pêi lo liăn ing ôm hyô cho lối 600 rơtal liăn, tâk châ péa xôh tâng pơchông ƀă roh kố hơnăm hdrối. Ki rơdêi mơjiâng ivá mơhnhôk ăm tơmối ôm hyô tung kong pơlê tung pơla hluâ Leh tơbleăng  kơphế ƀă tơdroăng po pêi cheăng leh tơbâ 50 hơnăm ƀlêi trâng Ƀuôn Ma Thuột, tơleăng lĕm kong pơlê Dak Lak.

Pơtối tơdroăng ki châ tơƀrê, Dak Lak pơtối pêi pro hên tơdroăng tơbleăng ôm hyô; rak tơdroăng mơđah tơbleăng khôi túa lĕm chêng koăng tiah hmâ rêm hneăng 2 xôh rêm khế, tơbleăng mâu roh tơ’noăng ivá kơpong ƀă lâp tơnêi têa, mơ-eăm pro nếo mâu tơmeăm ôm hyô.