Tơdroăng kal tiô tối hdrối ai 12 khinh khí cầu, tung mê 10 to khinh khí cầu ăm tơmối to kơneăng vâ châ ngăn ƀă 2 to mơđah tơbleăng a Plông kân 10/3 (pơlê kong kơdrâm Ƀuôn Ma Thuột). Rêm roh kơneăng sap ing 5 – 10 phut a ‘ngêi 50 met, yă vĕ sap ing 140.000 – 800.000 liăn.

Tiô tối hdrối kô tê dâng 1.500 vĕ. Pakĭng mê tơdroăng to kơneăng kố, tơmối ối châ veăng mâu tơdroăng khôi túa lĕm tro – kơchâi kâ ki kơhiâm má môi, trâm mâ mơhno khôi túa lĕm dêi kong pơlê. Kong pơlê ối tơkŭm po tơdroăng mơhno khôi túa lĕm tro, tơ’noăng ivá môi tiah mơđah chêng koăng, xah nhak troăng kơphô̆, mơđah tơbleăng um, mâu kơchâi kâ ki má môi ƀă hía hé mơjiâng tíu ôm hyô kơdrâm phiu ro, djâ mơhno hên khôi túa lĕm tro Tây Nguyên.