Tơdroăng pêi pro a Hâi hlá mơ-éa ƀă túa lĕm tro pơchuât ngăn hlá mơ-éa pơxá “Mâu kơxop hlá mơ-éa chêh ‘na Hồ Chí Minh- trroăng ki mơhno ăm rơxông kơ’nâi Việt Nam” ƀă kơmăng hơdruê xuăng “Hồ Chí Minh tung plâi nuih mơngế Tây Nguyên”, ƀă 1.500 ngế kăn ƀô̆, mâu lêng kăn sát cơ động rơtế ƀă hên hĭn mâu văn ngê̆ sih ƀă kuăn pơlê veăng.

A kố, rêm ngế kô châ pơchuât hlá mơ-éa, tăng hlê plĕng ‘na tơdroăng rêh ối ƀă tơdroăng cheăng dêi Hồ Chí Minh, ngăn hên tơdroăng xah hêi tiô chal krâ nah, túa lĕm tro mơngế Lếo, ngăn hơdruê xuăng tơkŭm ƀă ngăn  mơđah sap ếo pơtâk kuăn ngo, trâm mâ tơpui ƀă mâu ngế hriĕn rơkê chêh pro tơdrá hơdruê Dak Lak  ki ai chêh bro hên mâu ƀai hơdruê pơ-eăng ‘na Pôa.

Kố cho tơdroăng pêi pro ai pơxúa khât drêng troh tơbâ 135 hơnăm Hâi kot mâ Hồ Chí Minh, Kăn xiâm hnê ngăn tơnêi têa ki apoăng ƀă rôh tơkŭm pêi pro mâu tơdroăng kal kí ai pơxúa ƀă mâu lêng kăn sát cơ động hdrối vâ mơdêi rôh hriâm lêng a đông a mơ’nui khế 5.