Tiô tơdroăng po leh kô tâi hâi lơ 20/4, tơkŭm hên tơdroăng pêi pro ki tro môi tiah tơbleăng hlá mơ-éa tiô pơxá tơdroăng kal, trâm dêi rơpó pơchuât hlá mơ-éa- tơpui ‘na mơngế chêh, tơpui tơno hên tơdroăng, tơbleăng hlá mơ-éa, tơbleăng um ngê̆ thuât, tơmeăm STEM, mơnúa pêi ƀă kŏng ngê̆ tăng ngăn ƀă pơchuât hlá mơ-éa 4.0, rơxế chơ hlá mơ-éa lăm troh ukố umê..

Hâi leh ai 20 kơ koan, tíu pêi cheăng ƀă khu mơdró tung kong pơlê kô ƀă kong pơlê ki ê, tâi tâng ki kơnâ ki ăm kơtuh hlá mơ-éa vâ chê 130 rơtuh liăn ăm mâu hngêi trung hriâm a pơlê kong kơdrâm Buôn Ma Thuột, tơring Buôn Đôn ƀă Lak.

Rôh kố, xuân po hneăng tơ’noăng Kăn teăng mâ Túa lĕm tro pơchuât hlá mơ-éa kong pơlê Dak Lak hơnăm 2025, vâ tơbleăng troh lâp lu túa lĕm tro pơchuât hlá mơ-eâ, vâ hmâ kơhnâ pơchuât hlá mơ-éa a ƀă mâu hok tro, sinh viên tung kong pơlê.