Pôa Lương Cường, Kăn xiâm hnê ngăn tơnêi têa tơdah Ngế xiâm mâu tơdroăng Kuô̆k hô̆i râ má môi ƀă kuăn pơlê hdroâng kuăn ngo Ấn Độ
Thứ tư, 10:41, 07/05/2025
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng – Hâi lơ 6/5, a Pơlê kong kân Hồ Chí Minh, pôa Lương Cường, Kăn xiâm hnê ngăn tơnêi têa hiăng tơdah pôa Kiren Rijiju, Ngế xiâm mâu tơdroăng Kuô̆k hô̆i râ má môi ƀă hdroâng mơngế Ấn Độ klăng roh Ngế xiâm veăng pôu ngăn a Tĭng kân Phật đản Khu lâp kong têa (Vesak).
A roh tơdah, pôa Lương Cường, Kăn xiâm hnê ngăn tơnêi têa pơkâ thế péa tơnêi têa thăm tơpui tơno, tối dêi pó túa ki rơkê tơtro tung kơvâ mơjiâng pro luât, ki má lối cho túa ki rơkê tơtro ‘na tah lôi mâu tíu ki kreăng luât vâ mơdêk tơtêk a tŭm péa tơnêi têa.
Péa pâ môi tuăn kal mơdêk ó rơdêi tâ mê nếo tơrŭm cheăng kâ, tê mơdró ƀă mơ’no liăn cheăng, tơxâng ƀă tơmeăm ki ai hlâu dêi péa tơnêi têa xuân môi tiah tơrŭm cheăng ton xŏn tâi tâng. Péa pâ xuân môi tuăn kô thăm tơrŭm tâ mê nếo ƀă tơrŭm tŏng gum dêi pó a mâu hôp tơpui tơno hên pâ.
Viết bình luận