Kố cho môi tơdroăng pơtâng hnê tối ai kơnâ trâu hơngế tung pơla lâp plâi tơnêi dế trâm ƀă hên pơloăng mơnúa, môi tiah tơplâ tơplong, ai tơdroăng ki ôh tá tơdâng tơ’mô, kong prâi hơ’lêh ƀă tơdroăng ki ôh tá tơniăn hiâm mơno pơlê pơla. Kăn xiâm hnê ngăn tơnêi têa tối nhên, Việt Nam cho môi tơnêi têa ai khôi túa lĕm tro Khôp phop ton sap ing chal vâi krâ nah, tơrŭm krá tơniăn trâu ƀă tơdroăng roh ton nah mơjiâng tơnêi têa ƀă rak tơnêi têa.

Tơkâ hluâ hên tơdroăng ôh tá tơniăn dêi tơdroăng roh ton nah, Khôp Phop Việt Nam đi đo mơdêk hiâm mơno ‘’tŏng gum tơnêi têa ăm kuăn pơlê tơniăn lĕm’’, tơdroăng tiô khôp đi đo rơtế prôk ƀă hdroâng mơngế. Mâu ki kơnâ môi tiah hiâm mơno pâ nhuô̆m tơnêi têa, hiâm mơno lĕm ôh tá ‘nhó dêi pó, ai tuăn tơmiêt lĕm dêi khôp Phop hiăng mot trâu tung hiâm mơno mơngế Việt Nam ƀă kum mơjiâng pro khôi túa lĕm tro hdroâng mơngế Việt Nam.

Rơtế veăng roh leh, Kăn xiâm pơkuâ kong têa Sri Lanka tối rơdêi troh tơrŭm cheăng ƀă tơrŭm cheăng ƀă Việt Nam sap ing hên hơnăm kố. Nôkố, tơrŭm cheăng mê pơtối châ pro krá ó rơdêi tâ. Teăng mâ khu râ kăn pơkuâ hên kong têa môi tiah Sinuâ, Ấn Độ, Kul ƀă hiá hé, ƀă Kăn xiâm chêh tôm xo rơkong Khu lâp kong têa hiăng pơtroh tơdroăng pơtâng hnê tối troh Vesak 2025.