Tiô tối hdrối hneăng lăm pôu khât kong têa Kŏng hoa Armenia, pôa Trần Thanh Mẫn, Kăn xiâm hnê ngăn Kuô̆k hô̆i ai rôh tơpui tơno ƀă kăn xiâm dêi pú. Kăn xiâm Kuô̆k hô̆i tơdah khu kăn Kuô̆k hô̆i ki tơrŭm pơla Armenia - Việt Nam; lăm pôu hngêi trung Đại học Tổng hợp Quốc gia Yerevan; Veăng hôp tơpui tono ƀă Khu mơdró kâ Việt Nam - Armenia.

Hneăng lăm pôu dêi pôa Trần Thanh Mẫn ƀă kơdrâi pôa rơtế ƀă mâu kăn xiâm dêi Việt Nam troh Armenia ôh tá xê to vâ mơnhông tơrŭm cheăng kal kí, Kuô̆k hô̆i, mê ối po troăng hnan thế mơnhông tơrŭm cheăng kâ, tê mơdró ƀă ‘no liăn cheăng - ‘na kơvâ cheăng ki péa pâ xuân ai tơmeăm vâ pêi pro ki kân vâ rơtế ƀă dêi rơpó tăng xo; mơdêk tơrŭm cheăng tung tŭm tơdroăng pơla mâu khu xiâm, kơvâ cheăng a mâu kong pơlê péa pâ tơnêi têa vâ thăm tơrŭm krá pơla kuăn pơlê péa tơnêi têa, ‘nâi nhên mâu troăng hơlâ ƀă tơdroăng cheăng pêi mơnhông tơrŭm tơrŭm cheăng ki péa pâ ai pơxúa.