Pôa Trần Thanh Mẫn, Kăn xiâm hnê ngăn Kuô̆k hô̆i nhuô̆m tơdah pơtroh rơkong kơ-êng dêi pôa Tô Lâm, Kăn xiâm pơkuâ hnê ngăn Đảng, pôa Lương Cường, Kăn xiâm hnê ngăn tơnêi têa ƀă pôa Phạm Minh Chính, Ngế pro xiâm hnê ngăn Chin phuh trâm pôa Vahagn Khachaturyan, kăn xiâm pơkuâ kong têa Amenia; tối nhên, kuăn pơlê Việt Nam đi đo pâ vế tơdroăng tŏng gum kơnía ki kuăn pơlê Armenia hiăng Việt Nam tung tơdroăng tơplâ châ tơniăn krê hdroâng mơngế ƀă tung tơdroăng mơjiâng, mơnhông tơnêi têa.

Péa ngế kăn xiâm pơkuâ phiu ro hdrối mâu troăng mơnhông păng ‘nâng dêi tơrŭm cheăng Việt Nam – Armenia tung hên kơvâ cheăng; mơnhên tơdroăng rak tơpui tơno khu râ kăn xiâm, ki rơhêng vâ tối cho khu râ kăn xiâm tung tâi tâng mâu troăng châ pêi pro tro, châ tơƀrê vâ pơtối mơdêk tơrŭm cheăng ƀă loi tơngah dêi pó, tơxâng ki pơxúa dêi tŭm péa tơnêi têa; kheăn kơdeăn păng ‘nâng tơtêk hôm dêi tơrŭm cheăng kâ – tê mơdró pơla péa tơnêi têa, ki má lối cho tung mâu hơnăm achê kố klêi Pơkâ tê mơdró tơ’lêi hlâu pơla Việt Nam ƀă Khu tơrŭm Cheăng kâ Á – Âu ai xêt khât a hơnăm 2016.