A rôh tơdah, pôa Lương Cường, Kăn xiâm hnê ngăn tơnêi têa tối rơdêi Tơnêi têa ƀă Kuăn pơlê Việt Nam đi đo chôu vế tơdroăng tŏng gum kơnía ki kuăn pơlê Tây Ban Nha hiăng ăm Việt Nam tung rôh Pơhlêh ƀă vêh mơjiâng klêi kơ’nâi tơplâ, xuân môi tiah tung tơdroăng cheăng mơjiâng tơnêi têa hâi kố.

Vâ mơnhông mâu tơdroăng ki ai hlâu ƀă ki rơdêi dêi péa tơnêi têa, ăm tơrŭm cheăng Việt Nam – Tây Ban Nha rế hía rế trâu rơdâ ƀă ai pơxúa, péa pâ môi tuăn thăm mơnhông mâu rôh lăm pôu, trâm mâ khu râ kăn xiâm; mơdêk tơrŭm cheăng ‘na cheăng lêng – gâk kring, malối ‘na hnê kăn ƀô̆, sih kuan Việt Nam, kơmăi kơmok xúa tung cheăng lêng, rak vế hơniâp lĕm Khu lâp kong têa, ‘mâi mơnhông mâu tơdroăng klêi rôh tơplâ a Việt Nam, gâk kring măng, plâ mơdât khu ‘mêi, mâu ngế ki pro xôi tơkâ luâ tơnêi têa, lăm rêh ối hmâng vâ ôh tá tro luât.