Tôh pêi cheăng hiăng tăng ‘nâi plĕng ƀă klâ xoăng hồ sơ, hlá mơ-éa chêh ki tơdjâk troh. Mâu kơvâ cheăng mê châ pơkâ chêh pơtroh, mơnhên tŭm tơdroăng ki kal ối tơvâ tơvân tơrêm tơdroăng. Kơnôm ing mê, tơdroăng séa ngăn, tăng ngăn châ rĕng pê ƀă hên tơdroăng ki pá hiăng ai troăng vâ mơnhên hleăng. Ki tơxâng vâ tối, ƀă tơdroăng tơrŭm krá pơla Tôh pêi cheăng dêi kong pơlê Gia Lai ƀă Séa ngăn Chin phuh, môi tơdroăng hiăng châ tơleăng kêi đeăng.

Klêi hnê tối, mơhnhôk, mâu ngế săm phoăng hiăng môi tuăn ƀă troăng hơlâ tơleăng mơnhên, hlối tơhrâ ôh tá săm phoăng... A rôh pêi cheăng, Phŏ Kăn xiâm séa ngăn Chin phuh Lê Tiến Đạt pơkâ thế kong pơlê Gia Lai pơtối hnê mơhno pêi kơtăng tâ nếo mâu kơ koan tơdjâk troh vâ séa ngăn, tăng ‘nâi mâu tơdroăng, kơdroh săm phoăng luâ râ, pôi tá ai tơdroăng pá ki nếo.