A roh pêi cheăng, Khu pơkuâ tơdroăng cheăng Đảng kong pơlê 2 kong pơlê tơpui tơno, tối ‘na mâu mơ-éa chêh hdrối mâu mơ-éa ki kal tơbleăng Hneăng hôp kăn teăng mâ Đảng ƀô̆ kong pơlê Quảng Ngãi (nếo) hneăng hơnăm 2025 – 2030; tơpui tơno ‘na troăng rah xo bro lế lĕm tro khu râ kăn pêi cheăng, pro hngêi ối tơnêi têa ăm kăn ƀô̆, kŏng chưk, mơngế pêi cheăng klêi kơ’nâi rah xo bro lế lĕm tro kăn ƀô̆, kŏng chưk, mơngế pêi cheăng kong pơlê  Quảng Ngãi ƀă kong pơlê Kon Tum.

Hneăng la ngiâ, kong pơlê Quảng Ngãi nếo mơ-eăm tơtêk tâi tâng tơmeăm tung kong pơlê (GRDP) tơdâng hneăng hơnăm 2026 – 2030 sap ing 10%/hơnăm tơngi klêng; Troh hơnăm 2030, GRDP tơdâng ko mơngế dâng 7.100 – 7.200 dollars Mih.