Kăn xiâm pơkuâ hnê ngăn cheăng Đảng tối nhên Việt Nam hdrối kơ’nâi xuân môi tiah môi ngăn nhuô̆m tơrŭm tơroâ khôi hmâ ƀă Belarus; púi vâ thăm mơdêk tơrŭm pơla péa tơnêi têa tung tâi tâng kơvâ cheăng, xua pơxúa tơdjuôm dêi péa tơnêi têa, xua hơniâp lĕm, tơrŭm ƀă mơnhông a kơpong ƀă a kong têa ê.

Tung la ngiâ ah vâ veăng gum ‘mâi mơnhông tâ nếo tơrŭm tơroâ khôi hmâ Belarus - Việt Nam, pôa Tô Lâm, Kăn xiâm pơkuâ hnê ngăn cheăng Đảng púi vâ ƀă pơkâ thế pơtối tơkŭm po mâu rôh trâm mâ, trâu hơngế tâ, tơ’mot hên tơdroăng ki veăng dêi mâu kuăn pơlê, mâu khu ki hriăn ‘na khoa hok, khu mơdró kâ ƀă malối cho mâu hơnăm ối nếo, gum péa tơnêi têa rế hía rế hlê plĕng ƀă tơrŭm krá ƀă dêi rơpó tâ, vâ tơbêng ăm tơrŭm tơroâ pơla kuăn pơlê péa tơnêi têa Việt Nam – Belarus rế hía rế krá tơniăn.