Tiah mê, troăng kố xŏn 144km, tâk dâng 8km tâng vâ pơchông ƀă pơkâ apoăng xua tơnêi tơníu ôh tá lĕm tơbăng a kơpong văng Violắk ƀă văng Mang Deang. Tíu xiâm Km0+000 tơkoh ƀă troăng kân peăng Kơnhŏng – peăng Hdroh peăng mâ hâi lo ối tung tơring Đức Phổ (kong pơlê Quảng Ngãi) ƀă tíu ki mơ’nui tơkoh ƀă troăng kân peăng Kơnhŏng – peăng hdroh peăng mâ hâi Lâ ối tung pơlê kong kơdrâm Kon Tum (kong pơlê Kon Tum). Troăng kân kố châ ‘no liăn pro ăm 4 toăng rơxế kơtâu, ki têi rơxế kơto cho 100km tung chôu. Tâi tâng kơlo liăn ‘no dâng 44.300 rơtal liăn.

Tung mê, mâu kong pơlê chiu pôu râng xoăng liăn ăm tơdroăng ki pro gu tơnêi vâ pro troăng; liăn Tơnêi têa gum krâ ‘măn ƀă mâu kơxô̆ liăn ki u ối. Khu xiâm mơjiâng tơmeăm xuân tiô tối hdrối túa pơkâ tơbleăng pro troăng sap ing mơ’nui hơnăm kố, pơxiâm pro a mơ’nui hơnăm 2026, klêi a khế 12/2029.