Kal kơchuâ chêh troăng hơlâ tŏng gum ki lâi vâ rak tơniăn mâu khu mơdró kâ hbrâ rơnáu pơkuâ ngăn, xúa kơxô̆ liăn tơnêi têa châ tơƀrê, pôi tá pro hía cho tơdroăng ki châ mâu kăn kal vâ ‘nâi khât. Kơxop mơ-éa Luât Pơkuâ ngăn ƀă ‘no liăn pro tơmeăm khoăng cho kơxô̆ liăn tơnêi têa a khu mơdró kâ tối nhên tơdroăng pơkâ: Tơnêi têa cho ngế ki ‘no liăn a khu mơdró kâ, ôh tá veăng liăn ngân tơdrêng tung tơdroăng cheăng pơkuâ ngăn dêi khu mơdró kâ, tơniăn mâu hnoăng dêi ngế ‘no liăn, tơlo liăn.

Kơxop hlá mơ-éa Luât châ chêh pro vâ rế mơdêk ki tơƀrê pơkuâ ngăn liăn tơnêi têa rế pro ivá luât mơdêk krá tơniăn vâ khu mơdró kâ ai liăn tơnêi têa xúa tiô tơdroăng pơkâ, tơxup tơbriât tơdâng tơ’mô, ƀă mơnhông krá tơniăn, gum kal khât tung pêi pro mâu pơkâ cheăng tung la ngiâ dêi tơnêi têa tung pơla hơnăm 2021 – 2030.