Xông tơpui a Leh pơxiâm mơjiâng pro, Ngế pro xiâm hnê ngăn tơnêi têa pơkâ thế khu mơ’no liăn cheăng, khu ki rah xo bro thâ ăm dêi kơmăi kơmok, mâu ngế pêi cheăng vâ mơjiâng pro troăng kân tiô hiâm mơno ‘’3 ca, 4 kíp’’, mơ-eăm kêi đeăng troăng kân kơpong tơkâ hluâ kong pơlê Thái Bình, Nam Định tung hơnăm 2026, tơniăn dâi lĕm, ôh tá ăm ai tơdroăng tơ’nôm hên kơxô̆ liăn.

Ngế pro xiâm hnê ngăn tơnêi têa pơkâ thế mâu kong pơlê, mâu tíu cheăng ki tơdjâk pêi tơtro tơdroăng chêl thiê̆n, tŏng gum, tăng tơnêi; tơniăn tơdroăng xing xoăng kơxô̆ liăn mơjiâng tơmeăm khoăng, tơniăn tơdroăng mơjiâng pro dêi tơdroăng tơkêa bro. Ngế pro xiâm hnê ngăn tơnêi têa kơbông krếo thế pôu râng hnoăng cheăng dêi mâu kong pơlê Ninh Bình, Nam Định, Hải Phòng tơrŭm krá tơniăn vâ xúa troăng kân châ tơƀrê; tơdrêng amê loi tơngah, ƀă tơdroăng ki ó rơdêi dêi idrâp hơkâ Thái Bình hơnăm 1930, Thái Bình kô kêi đeăng lĕm mâu tơmeăm ki kố.