Dak Lak kĭ hlá mơéa chôu vế ƀă Hàn Quốc ‘na tơkêa mơ’no têa ƀă mơ’nob trếo mơ’no tung kơphô̆
Thứ năm, 10:09, 10/04/2025
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV.Xơ Đăng - Kơxê lơ 9/4, a pơlê kong kơdrâm Ƀuôn Ma Thuột, Vi ƀan hnê ngăn kong pơlê Dak Lak (Việt Nam) ƀă Kơ koan Tơrŭm cheăng lâp plâi tơnêi Hàn Quốc (KOICA) a Việt Nam po Leh kĭ hlá mơéa chôu vế ‘na tơkêa mơ’no têa ƀă mơ’no mâu trếo a kơphô̆.
Tơdroăng tơkêa ai ki têi 1.900 met khô̆i tung môi măng, gum ăm dâng 2.900 rơpŏng kuăn pơlê, xua Chin phuh Hàn Quốc gum, pro a pơlê kong kơdrâm Ƀuôn Hồ, kong pơlê Dak Lak. Tiô hlá mơéa kĭ tơkêa, Chin phuh Hàn Quốc kô gum ôh tá mơdrếo 9,2 rơtuh dollar ƀă Chin phuh Việt Nam ‘no 760 rơpâu dollar vâ pro tơdroăng tơkêa mơ’no têa ƀă mơ’no trếo ki mơ’no a kơphô̆ a pơlê kong krâm Ƀuôn Hồ, kong pơlê Dak Lak.
Pôa Nguyễn Thiên Văn, phŏ kăn hnê ngăn Vi ƀan kong pơlê Dak Lak ăm ‘nâi, tơdroăng tơkêa hiăng châ KOICA ngăn tâi tâng ƀă châ Chin phuh Hàn Quốc kĭ sap ing hơnăm 2024. Mâu hlá mơéa séa ngăn, chêh pro túa pơkâ tơrŭm cheăng, rak vế xúa liăn tro tơdroăng, tơƀrê, pêi pro châ tơdroăng púi vâ mơnhông krá ton a kong pơlê.
Viết bình luận