VOV.Xơ Đăng - Mâu hâi ki kố, lâp tơnêi têa phiu ro Tơbâ 50 hơnăm Hâi tơleăng peăng Hdroh, pro tơnêi têa tơrŭm môi. Tơdế chal hiăng tơkâ luâ, Rôh ƀlêi trâng rơnó Hơngui hơnăm 1975 hiăng tơkâ luâ hdroâng mơngế Việt Nam cho môi rôh hdró ki eăng bâ, ‘măn chôu ăm pin hên ƀai hriâm ki kơnía ‘na tơdroăng mơjiâng ƀă rak vế Tơnêi têa Việt Nam. Klêi mê, cho ‘na mâu tơdroăng cheăng túa lĕm tro, ôm hyô koh hâk 50 hơnăm Hâi tơnêi têa tơrŭm môi, châ tơkŭm po a Pơlê kong kân Hồ Chí Minh ƀă tung lâp tơnêi têa, vêh mơhno hneăng ki ton nah khên tơnôu dêi hdroâng mơngế, ƀă tối rơdêi ki kal kân dêi Rôh ƀlêi trâng 1975.