A roh tơdah, pôa Tô Lâm, Kăn xiâm pơkuâ hnê ngăn Đảng mơnhên Việt Nam pói vâ pêi trâu hơhngế tơrŭm cheăng tŭm têk ƀă Tây Ban Nha, môi khu tơrŭm ki kal ƀă tíu mot tơrŭm cheăng dêi Khu tơrŭm châu Âu; tối rơdêi ki kal roh lăm pôu pêi cheăng Việt Nam apoăng dêi ngế ối a ko Chin phuh Tây Ban Nha sap ing péa tơnêi têa mơjiâng tơrŭm cheăng tơpui kâ ƀă loi tơngah roh lăm pôu pêi cheăng kô mơjiâng ivá rơdêi djâ tơrŭm cheăng ‘’Khu tơrŭm cheăng ton xŏn tơmiệt troh la ngiâ’’ Việt Nam – Tây Ban Nha to a râ a’ngêi nếo, xua kro mơdrŏng mơnhông mơdêk ƀă ki pơxúa dêi kuăn pơlê péa tơnêi têa, xua hơniêp lĕm, tơrŭm cheăng ƀă mơnhông a kơpong ƀă lâp plâi tơnêi.

Péa pâ môi tuăn thăm tơrŭm cheăng tung mâu kơvâ gâk kring tơnêi têa – gâk kring tơniăn, pêi chiâk deăng, hnê hriâm – hnê mơjiâng, tơdrêng amê po rơdâ tơrŭm cheăng troh mâu kơvâ cheăng ki ai tơmeăm vâ mơnhông mơdêk môi tiah pơhlêh tơmiêt pêi rơkê, tuăn ngôa rơkê, kế ki chiâng hrik mơ’no hyôh, pơhlêh xúa kŏng ngê̆.