Tiô tơdroăng tối tơbleăng dêi Tíu xiâm Hbrâ mơdât châi tamo kong pơlê Dak Lak, riân troh 12 chôu kơhâi dế lơ 31/3 tung lâp kong pơlê hiăng pâk vaccine hbrâ mơdât pơreăng lo xêi châ 41.220 ngế tung tâi tâng kơxô̆ 42.943 ngế muăn, châ 96%. Tung mê ai 3 tơring châ kơxô̆ ngế pâk hên cho tơring Buôn Đôn châ 98,7%, tơring Čư̆ Kuiñ châ 97,7% ƀă pơlê kong krâm Ƀuôn Hồ châ 97,3%.

Pôa Hoàng Hải Phúc, Kăn pơkuâ tíu xiâm Hbrâ mơdât châi tamo kong pơlê Dak Lak ăm ‘nâi, tung mâu hâi la ngiâ, tíu pêi cheăng kô pơtối séa ngăn mâu ngế ki tá hâi teăm châ pâk tro lôi. Riân troh hâi lơ 31/3, kong pơlê Dak Lak ai 1.019 ngế tơngê lo hbri hbríu ƀă 228 ngế lo xêi. Ki rơhêng vâ tối, kơnôm ing mơdêk rơdêi tơdroăng ki pâk vaccine, tung tung apoăng măng tĭng, kong pơlê ôh ti ai tơ’nôm ngế ki lâi tro pơreăng lo xêi.