Tiô Khu ngăn pơkeăng pơlât Gia Lai, sap ing apoăng hơnăm troh nôkố, tung lâp kong pơlê ai lối 2 rơpâu ngế tơngê lo hbri bríu lo xêi a tâi tâng 17 tơring, pơlê kong krâm, pơlê kong kơdrâm dêi kong pơlê. Tung mê, kơxô̆ ngế nhôm tro pơreăng lo xêi tá hâi pâk vaccine châ 40%. Hơnăm 2024, kong pơlê hiăng pâk vaccine lối 95%, ƀă nôkố dế tơbleăng pâk vaccine hơnăm 2025, mơeăm kô pâk klêi tung khế 3 ƀă ki xiâm cho pâk vaccine ăm lối 95% ngế hdrêng tung khế hơnăm kal châ pâk.

A rôh pêi cheăng, khu pêi dêi hnoăng cheăng dêi Khu xiâm ngăn pơkeăng pơlât tối nhên tơdroăng ki kal pêi tơdrêng, pơkâ thế Gia Lai hiăng pêi pro tơdroăng tơbleăng, mơdêk rĕng tơdroăng pâk hbrâ pơkeăng mơdât pơreăng ƀă tơkŭm kơdroh tâ tú ing ngế kố troh ngế ki tá a tíu pơlât. Rơtế amê, Gia Lai kal mơdêk ki hlê plĕng ăm kuăn pơlê, pơhlêh tơdroăng ki séa ngăn pơreăng ƀă tơrŭm tơniăn pơla mâu kơ koan ki ai tơdjâk vâ mơdât pơreăng tơƀrê.