Pôa Phạm Minh Chính, Ngế pro xiâm hnê ngăn tơnêi têa ăm ‘nâi, Việt Nam tơhrâ ‘măn chôu kơxô̆ liăn hrê troh 20% tung tâi tâng liăn ngân tơnêi têa ăm kơvâ hnê hriâm ƀă hnê cheăng pêi vâ mơdêk hiâm mơno rơkê plĕng ăm kuăn pơlê, hnê mâu ngế pêi cheăng hnê tơ’nôm ăm mâu ngế ki rơkê plĕng, mơjiâng kuăn mơngế rơkê tá túa rêh ối, rơkê ‘na tuăn ngoâ, châ chăn, púi vâ tơdroăng ki veăng gum, tơrŭm ƀă tơrŭm cheăng ƀă Mih tung kơvâ hnê hriâm ƀă hnê mơjiâng tuăn ngoâ rơkê.

Ƀă túa tơmiât “ngăn nhuô̆m tuăn ngoâ rơkê, tung pơla ƀă tơdroăng ki khŏm mơeăm tơmiât tro” “hiăng tro athế tro tâ nếo, hiăng tơƀrê athế tơƀrê tâ nếo”, pôa Phạm Minh Chính, Ngế pro xiâm hnê ngăn tơnêi têa loi tơrŭm cheăng hnê hriâm, hnê mơjiâng tuăn ngoâ rơkê Việt Nam – Mih dêi rêm kong têa, rêm hdroâng mơngế ƀă tơrŭm cheăng tung la ngiâ tŭm têk pơla péa tơnêi têa, xuân môi tiah ăm hơniâp lĕm, rak tơniăn, tơrŭm mơnhông tung kơpong ƀă tung lâp plâi tơnêi.