Tung tơdroăng ki hmái hơtĭng, sĭng khéa, Ngế pro xiâm hnê ngăn tơnêi têa ƀă mâu ngế cheăng tung khu hiăng mơdoh chôu tơbâ hnoăng cheăng ƀă tơdroăng ki pleăng plâ rơxông dêi pôa Khamtay Siphandone ăm tơdroăng cheăng kăch măng Lếo, xuân môi tiah ăm tơrŭm cheăng tơrŭm tơroâ Việt Nam – Lếo.

Chêh tung hlá mơ-éa kiâ, pôa Phạm Minh Chính, Ngế pro xiâm hnê ngăn tơnêi têa tối tơdroăng ki pâ mơjo ó khât ‘na tơdroăng ki hlâ lêk dêi môi ngế kăn kăch măng tơdrăng, ngế pú kân ƀă ngế ki môi hiâm mơno dêi kuăn pơlê Việt Nam. Ngế pro xiâm hnê ngăn tơnêi têa mơnhên tối khât mâu tơdroăng veăng gum kân kĭn dêi pôa Khamtay Siphandone tung tơdroăng mơjiâng ƀă tơbêng tơdroăng tơrŭm tơroâ, tơrŭm tung tŭm tơdroăng cheăng pơla péa tơnêi têa Việt Nam – Lếo.

Ngế pro xiâm hnê ngăn tơnêi têa ăm ‘nâi, vâ tơbâ pôa Khamtay Siphandone, Đảng, Tơnêi têa Việt Nam hiăng pơkâ tơkŭm mơdâm tung péa hâi lơ 4 – 5/4/. Pôa xuân pơtroh rơkong sĭng khéa ó khât troh Đảng, Tơnêi têa, kuăn pơlê Lếo ƀă rơpŏng hngêi pôa.