Tung hlá mơ-éa chêh inâi lăm pôu ngăn, pôa Nguyễn Thành Nghị tối mơjo khât ‘nâng pôa hlâ, hía ngế pú ki hmâ khât, ngế pú ki kân dêi kuăn pơlê Việt Nam tối tơdjuôm ƀă Pơlê kong kân Hồ Chí Minh tối krê. Pôa Khamtay Siphandone ai hnoăng kân tung tơdroăng tơrŭm cheăng ki kân, môi tuăn ƀă tơrŭm  tâi tâng tơdroăng cheăng pơla Việt Nam - Lếo.

Kăn xiâm hnê ngăn Pơlê kong kân Hồ Chí Minh tối kô pơtối rak, mơnhông tơrŭm cheăng hmâ ƀă dêi rơpó môi tiah nhŏng o môi klêa kliâm  pơla Pơlê kong kân Hồ Chí Minh ƀă mâu kong pơlê dêi kong têa Lếo, veăng ‘no hnoăng tơrŭm pơla Việt Nam - Lếo đi đo hơniâp lĕm, krá tơniăn ton. Teăng mâ Kăn pơkuâ hnê ngăn Đảng pơlê kong kân, Hô̆i đong kuăn pơlê, Vi ƀan kuăn pơlê, Vi ƀan Măt trâ̆n Tơnêi têa Việt Nam Pơlê kong kân Hồ Chí Minh ƀă kuăn pơlê dêi pơlê kong kân, pôa Nguyễn Thành Nghị pơtroh rơkong hơlêm khât troh Đảng, Tơnêi têa, kuăn pơlê Lếo ƀă on veăng nhŏng o xiâm pôa Khamtay Siphandone, púi vâ rĕng tơkâ luâ tơdroăng khíu hơ’nêng.