Xông tơpui hnê mơhno a hneăng hôp, pôa Nguyễn Trọng Nghĩa, Kăn xiâm pơkuâ pơtâng tối ƀă mơhnhôk kuăn pơlê tơnêi têa mơnhên, tung pơla kố nah, Đảng, Tơnêi têa tơbleăng hên troăng pơkâ pêi, troăng hơlâ ‘na tơdroăng cheăng tŏng gum hdroâng kuăn ngo, tơdroăng loi tĭng tiô khôp.

Mâu khu râ kăn pơkuâ hnê ngăn cheăng Đảng, mâu khu pơkuê hnê ngăn Đảng pêi pro nhên mâu troăng pơkâ pêi, tơdroăng pơkâ dêi Đảng ‘na tơdroăng tŏng gum hdroâng kuăn ngo, tơdroăng loi tĭng tiô khôp, tơniăn mâu hdroâng mơngế tơdâng tơ’mô, tơrŭm môi tuăn, nhuô̆m dêi pó, kum dêi pó rơtế mơnhông mơdêk, pôa Nguyễn Trọng Nghĩa pơkâ thế tung la ngiâ, mâu kong pơlê tơtrŏng tŏng gum, mơdêk tơdroăng rêh ối kế tơmeăm, hiâm mơno ăm kuăn pơlê hdroâng kuăn ngo, kuăn khôp, rak vế, mơnhông ki kơnâ khôi túa lĕm tro dêi kuăn pơlê mâu hdroâng kuăn ngo.