Tiô tơbleăng, tung pơla kố nah, Khu xiâm Kŏng an hiăng mơhnhôk khu tŏng gum kong pơlê Kon Tum 84 rơtal liăn vâ mơjiâng nếo 1.400 toăng hngêi diâp ăm rơpŏng kơtiê, rơpŏng vâ chê kơtiê rêm toăng hngêi kơnâ 60 rơtuh liăn. Pơla kố nah, rơtế ƀă tơdroăng pơxiâm pêi pro tơdrêng 500 toăng hngêi, Khu xiâm Kŏng an hiăng pơcháu 2 toăng hngêi pro túa nếo kêi đeăng vâ po rơdâ.

Trung tươ̆ng Phạm Thế Tùng, Phŏ Ngế xiâm Khu xiâm Kŏng an, mơnhên tung la ngiâ Đảng ủy Kŏng an Tơnêi têa, Khu xiâm Kŏng an kô tơrŭm krá tơniăn ƀă khu hnê mơhno má môi mâu kong pơlê Tây Nguyên pơtối mơhnhôk tơdroăng môi tuăn, tŏng gum dêi mâu khu ngế ki ai hiâm mơno tŏng gum pêi pro ó rơdêi tơdroăng têa tah hngêi pơtân, hngêi xi kơchoh pro ăm hngêi nếo tung Tây Nguyên.

A leh lo pêi, teăng mâ mâu khu tŏng gum cho mâu khu tê mơdró ƀă hngêi arak liăn tê mơdró, hiăng diâp tơdroăng ki mơhno kơxô̆ liăn tŏng gum kong pơlê Kon Tum têa tah hngêi pơtân, hngêi xi kơchoh pro ăm hngêi nếo.