Kố cho tơdroăng ối tung Tơdroăng tơkêa bro “Pơtâng tối, hnê hriâm, mơhnhôk, tŏng gum vâi kơdrâi veăng tơleăng mâu tơdroăng pơlê pơla tơdjâk vâi kơdrâi hneăng hơnăm 2017 – 2027’’.

Hluâ lối 7 hơnăm pêi pro tơdroăng tơkêa bro, a Dak Lak hiăng ai lối 1,2 rơtuh roh ngế vâi kơdrâi ƀă nôu pâ ai kuăn pá kơdâm 16 hơnăm châ hnê ăm tơdroăng ki rơkê ‘na tơdroăng ki kal thế rak ƀă pơtâp hiâm mơno, hlê plĕng luât; ‘na hnê hriâm pro nôu pâ; ivá, hnoăng dêi vâi kơdrâi tung tơniăn krúa lĕm kơchâi kâ; hbrâ mơdât pâm xiăn tung rơpŏng.

A hôp tơpui tơno, mâu kăn teăng mâ rơtế dêi pó tơpui tơno, tối ‘na túa ki rơkê tơtro, troăng pêi rơkê, troăng pêi châ tơƀrê dêi mâu râ khu tung tơdroăng pơtâng tối, tối ăm, hnê hriâm luât; séa ngăn mâu tơdroăng pro pơro, tơdroăng ki ai khât nôkố châ pêi pro mâu clip péa nâl Xuăn – Rơđế.