Tiô tíu xiâm Hbrâ mơdât châi tamo kong pơlê Dak Lak, sap ing apoăng hơnăm 2025 troh nôkố, tung lâp kong pơlê hiăng ai lối 620 ngế tơngê lo xêi, tung mê 207 ngế yương tĭnh ƀă virus lo xêi. Mâu ngế ki tro mê hên cho a mâu tơring Buôn Đôn, Krông Pač, Ea Súp ƀă MDrak, ki hên cho tá hâi pâk vaccine hbrâ mơdât lo xêi. Tiô tối hdrối tơdroăng kố kô tơbleăng pâk ăm lối 7.800 ngế hdrêng sap ing 6 troh pá xôp 9 khế ƀă lối 34.600 ngế hdrêng sap ing 1-10 hơnăm.

Pôa Hoàng Hải Phúc, Kăn pơkuâ Tíu xiâm Hbrâ mơdât châi tamo kong pơlê Dak Lak tối nhên, vâ tơdroăng ki pâk vaccine châ pêi tơƀrê, kal tơdroăng veăng gum dêi khu pơkuâ tơdroăng kal kí, tơdroăng tơrŭm krá pơla kơvâ ngăn pơkeăng pơlât ƀă hnê hriâm tung séa ngăn mâu ngế ki tá hâi teăm pâk, mơhnhôk thế nôu pâ djâ dêi kuăn lăm pâk vaccine tro hâi pơkâ.