VOV.Xơ Đăng - Êi xôu a mâu ngế ki hiăng krâ cho xua ing tro pơreăng kâ̆p tĭnh a xôu xua hên tơdroăng pro, tung mê ki hên má môi cho xua nhiễm khuẩn, virus ƀă mâu oâ ngâng. Êi xôu a ngế ki hiăng krâ cho xiâm kối ki apoăng chiâng hlâ, malối cho mâu ngế ki dế ai tơdroăng châi tamo ki ê. Xua mê, pơreăng kal châ rĕng ‘nâi ƀă rĕng pơlât, vâ pôi tá ăm gá chiâng râ, rơ-iêo.

VOV.Xơ Đăng - Ôh tá xê to hâi măng kơhnâ krâu khât khăm pơlât, rak ngăn a xoăng koi pơlât, tơbriât tăng i hiâm toi, tŏng xo tơdroăng rêh kâ ối ăm tơrêm ngế vâi hdrêng, ai hên mâu ƀok thái pơkeăng, thái pơkeăng ƀă mâu ngế ki cheăng tung hngêi pơkeăng a Gia Lai hmái hmâ pleăng dêi kơto mơ-eăm tơná vâ toi mơdon ăm tơdroăng erêh dêi mơngế ki châi tamo. Mâu kơto mơ-eăm mê ôh tá xê to hên xôh ki vâ tŏng xo mâu vâi ki châi tamo, mê ối rak vế, ối mơjiâng hiâm mơno pói tơngah dêi iâ mâu rơpŏng hngêi. A hngêi pơkeăng pơlât vâi ‘nĕng a Gia Lai, i hiâm mơno ki pleăng dêi mơheăm mê thăm rế lân rơdâ ó rơdêi-ôh tá xê to ƀă hnoăng cheăng dêi tơná, mê ối ƀă plâi nuih dêi mâu ƀok thái pơkeăng.

VOV.Xơ Đăng - Pơreăng thĕn kŏng chêng rơkong, lo kơtuâ ‘mêi ƀă tơngê lo mơheăm dế hlo tâ tú hên a mâu vâi ‘nĕng kong pơlê Dak Lak, ing mê, khoh tơ’lêi tâ tú rĕng troh mơngế ki ê ƀă ai hên tơdroăng châi tamo ki ê nếo ƀă vâi hdrêng. Drêng hlo ai tơdroăng xâu xía kố, hnối hnê tối vâi krâ, nhŏng o hbrâ mơdât ahdrối tơdroăng thĕn kŏng chêng rơkong, châ rĕng hlo ƀă djâ vâi ‘nĕng troh pơlât a hngêi pơkeăng tơdrêng.

VOV.Xơ Đăng - Tung pơla tro tâ tú pơreăng thĕn kŏng chêng rơkong, lo kơtuâ ‘mêi ƀă tơngê lo mơheăm a vâi hdrêng dế tâk hên, pro rơ-iô chiâng tâ tú tung lâp lu, kơvâ ngăn pơkeăng Dak Lak dế thâ tơbleăng pêi tơdrêng mâu troăng hơlâ séa ngăn mơdât pơreăng.

VOV.Xơ Đăng - Kơxo lơ 7/4, Vi ƀan kong pơlê Dak Lak tơkŭm po Leh mitting hâk vâ Hâi ivá tâi tâng kuăn pơlê hơnăm 2026 ƀă dó inâi ‘’Hbrâ mơdât pơreăng – Xua môi Việt Nam mo sêi’’.

VOV.Xơ Đăng - Tơdroăng châi plâi nuih cho xiâm kối pro mâu ngế ki hiăng hên hơnăm hlâ hên. Tơdroăng châi kố pin ôh tá ‘nâi, xơpá vâ ‘nâi la drêng hiăng tro ah, gá mơnhâu troh tơdroăng rêh ƀă pro hên tơdroăng ki pá, vâ prêi lĕm tung mê ai nhồi máu cơ tim, suy tim cấp, rô̆i loăn nhĭp tim ƀă plâi nuih kơdrâ ôh tá chiâng hiâm.

VOV.Xơ Đăng - Hlo tơbleăng pơreăng thĕn kŏng chêng rơkong tâk hên tung kong pơlê, Khu xiâm ngăn pơkeăng pơlât kong pơlê Lâm Đồng nếo tơbleăng thâ pơtroh ăm Khu xiâm ngăn hnê hriâm ƀă hnê mơjiâng tuăn ngôa rơkê; Vi ƀan Kuăn pơlê 124 to cheăm, bêng, kơpong rơtế ƀă mâu tíu pêi cheăng pâ thế mơdêk hnoăng cheăng hbrâ, mơdât pơreăng thĕn kŏng chêng rơkong a mâu hngêi trung.

VOV.Xơ Đăng -  A kong pơlê Dak Lak dế mơnhên kơxô̆ mơngế tro tâ pơreăng kŏng chêng rơkong a vâi hdrêng tâk hên.

VOV.Xơ Đăng - A Việt Nam, nôkố pơreăng kơ-o lo mơheăm xuân cho môi tung mâu pơreăng tâ tú rơ-iêo, tơdjâk kân troh ivá, tơdroăng rêh kâ ối liăn ngân dêi ngế ki tro pơreăng. Nôkố, pơreăng kơ-o lo mơheăm hiăng chiâng vâ pơlât prêi la tung tơdroăng ki khât ai chía hên ngế vêh tro nếo xua ôh tá pêi pro kơtăng túa pơlât tiô troăng hnê mơhno dêi ƀok thái pơkeăng. Tro pơreăng kơ-o lo mơheăm ki vêh tro nếo ôh ti xê túa pơlât xơpá, athế hên hâi khế ƀă liăn ngân tâ mê ối mơni tâ tú rơ-iêo tung lâp lu.

VOV.Xơ Đăng - Nôkố, kong prâi dế hngíu ƀă ki hngiâm kơchoh hên, mê hyôh tôu hngíu pơhlêh đi đo – pro tơ’lêi hlâu ăm hên pơreăng tâ tú rĕng tung pơlê pơla, tung mê ai pơreăng êi peâm. Kố cho pơreăng hmâ trâm, tơ’lêi tú ing troăng hiâm ƀă mơni kô tơ’lêi tâ tú hên tung hngêi trung hriâm, tíu ki roăng rak vâi hdrêng lơ tíu ki ai kơdrâm kuăn pơlê rêh ối. Xua mê, kal athế hlê plĕng nhên tung hbrâ mơdât pơreăng ƀă rak vế ivá cho kal khât, tâng ôh tá séa ngăn ƀă pơlât tro túa, pơreăng kô tơdjâk chiâng rơ-iêo, tơdjâk ton troh ivá vâi hdrêng.