VOV. Xơ Đăng - Tơdroăng ki tro xía vâ rong râ mơni gá kô ‘măn chôu mâu tơdroăng ôh tá tơniăn, tơdjâk troh ivá, châ chăn ƀă tơdroăng rêh ối dêi ngế ki tro xía vâ, thăm nếo pro mơhrê liăn ngân ƀă pơlê pơla. Kơvâ ngăn pơkeăng pơlât Dak Lak nếo po hneăng hnê ăm vâ chê 50 ngế kăn ƀô̆ mơdêk ivá pơlât apoăng tung hbrâ mơdât xâu xía.

VOV.Xơ Đăng - Mâu hâi hdrối mê hía nah, a mâu hngêi pơkeăng khăm pơlât vâi hdrêng a Pơlê kong kân Hồ Chí Minh hiăng hlo ai hên mâu ngế ki tro tơngê lo mơheăm xua Dengue tâ tú pro râ ó khât. Vâi hdrêng mot pơlât kơdrâm tung hngêi pơkeăng drêng vâi ki mê hiăng tơngê râ, lăm dế lo mơheăm, tâng ôh tá rĕng teăm djâ khăm pơlât a hngêi pơkeăng kô tơ’lêi hlâ.

VOV.Xơ Đăng - Rôh kâ hmê a hngêi trung hriâm ôh ti xê cho môi rôh kâ tung mâu tơdroăng cheăng dêi hngêi trung mê ối cho tơdroăng ki tơdjâk troh ivá, tuăn ngoâ, ‘nhông xŏn dêi hok tro. Xua mê, pakĭng tơdroăng ki hnê hriâm, tơdroăng rak vế tŭm rôh kâ ăm mâu muăn cho môi hnoăng cheăng ki kal khât, malối cho a mâu hngêi trung hriâm ai tíu kâ koi ối pơtê la nôu pâ vâi chĕm drêh dêi, ƀă hngêi trung ai tíu kâ koi ối pơtê. Kơ’nâi kố cho tơdroăng chêh tối dêi khu chêh hlá tơbeăng ‘na rôh kâ hmê a hngêi trung hriâm a hngêi trung mầm non bêng Thành Nhất, pơlê kong kơdrâm Ƀuôn Ma Thuột, kong pơlê Dak Lak.

VOV4.Xơ Đăng - Hâi lơ 3/6, Hngêi pơkeăng kân Kơpong Tây Nguyên ƀă Kŏng ti pêi cheăng tiô rơnó Gene Solutions Lab kĭ tơkêa mơ-éa chôu vế tơbleăng tơdroăng “Pơlê pơla pơhlêh pâk ngăn NIPT ăm ngế ki mơ-êa, mơdêk ki lĕm tro pơ’leăng mâ Việt”.

VOV.Xơ Đăng - Drêng dế tơ’lêi tâ tú pơreăng COVID-19, kơvâ ngăn ‘na pơkeăng ƀă khăm pơlât a mâu kong pơlê kơpong Tây Nguyên dế pêi pro kơhnâ khât mâu troăng hơlâ vâ hbrâ mơdât, rĕng teăm khăm pơlât drêng lơ ai mơngế tro tâ, xua pơla kố, dế ai hên kuăn mơngế prôk lăm, ôm hyô kơdrâm tung rơnó pơtê hriâm kố.

VOV.Xơ Đăng - Kong prâi ôh tá tơniăn cho tơdroăng ki tơ’lêi hlâu vâ mâu virus, vi khuẩn pro chiâng ai pơreăng, malối cho tung kế kâ. Ƀă mâu vâi hdrêng, drêng tung klêa ối kơbâng, tơ’lêi tro pơreăng châi klêa tâng kâ mâu kế kâ, ôu mâu têa ôu ki ôh tá krúa lĕm, kô tơ’lêi tro pơreăng. Pơreăng châi klêa ngăn gá ôh ti ai klâi la tâng ôh tá khăm ngăn tro ƀă teăm tơdrêng mê kô pro pơhlêh rơ-iô troh ivá châ chăn ngế hdrêng.

VOV.Xơ Đăng - Rơxok khăng kơbrĕn cho môi túa tamo rơxok ki râ, pro trâm hên tơdroăng ki pá ‘na ivá châ chăn ngế ki tro. Kố cho túa châi athế pơlât đi đo, troh tá ah la tơdroăng ki pá nôkố ai chía hên ngế ki tro ôh tá pêi tiô pơkâ dêi ƀok thái pơkeăng pơlât thế, pro tơdroăng châi mê chiâng ôh tá tơniăn mê ối vêh tro nếo hên xôh pro chiâng rế râ tơ’nôm mâu tơdroăng ki mơhno ăm hlo dêi tơdroăng châi.

VOV.Xơ Đăng - Ƀaoh hiêm khăm pơlât cho túa ƀaoh hiêm rak ngăn ivá châ chăn xua Tơnêi têa tơkŭm po, pêi pro, ôh ti xê to vâ pơxúa liăn ngân. Kố cho troăng pơkâ ki kal tung tơdroăng rak ngăn ivá châ chăn pơlê pơla. Hâi lơ 27/11/2024, Luât ‘mâi pơhlêh, ‘mot tơ’nôm mâu tơdroăng dêi Luât Ƀaoh hiêm khăm pơlât hơnăm 2024 păng ‘nâng châ Kuô̆k hô̆i tơbleăng ƀă xêt khât xúa sap ing hâi 01/7/2025 hiăng pro chiâng tơdroăng pơhlêh kân tung tơdroăng pơhlêh túa rak ngăn ivá châ chăn tâi tâng kuăn pơlê. Luât ai hên tơdroăng ki nếo kơjo, tơmiât troh po rơdâ ƀă pơhlêh hnoăng pơxúa ăm ngế ki roê Ƀaoh hiêm khăm pơlât. Kơ’nâi kố ngế chêh hlá tơbeăng ‘na tơdroăng ki roê Ƀaoh khăm pơlât a kong pơlê Dak Lak.

VOV.Xơ Đăng - Tơdroăng tâ tú dêi pơreăng lo xêi troh a hâi kố xuân tá hâi teăm chu kơdroh, mơhé Khu xiâm ngăn ‘na pơkeăng ƀă khăm pơlât hiăng rĕng pâk pơkeăng hbrâ mơdât pơreăng lo xêi ăm vâi ‘nĕng ki 6 khế, ƀă hnối hbrâ mơdât pơreăng tơngê lo mơheăm, la mơngế ki tâ tú pơreăng lo xêi xuân pơtối tâk hên pơla vâ chê troh rơnó mê hngê. Drêng hlo ai pơreăng tâ tú, Pơlê kong kân Hồ Chí Minh hbrâ mơdât hên troăng hơlâ vâ mơdât pơreăng, ing mê, thăm pro pá ăm khu hngêi pơkeăng ki khăm pơlât.

VOV.Xơ Đăng - Tung pơla hdrối nah, kơxô̆ ngế tro pơreăng lo xêi a Lâm Đồng tâk hên, ƀă vâ chê 1.000 ngế.