Vi ƀan hnê ngăn kong pơlê Dak Lak hiăng xo 400 rơtal liăn sap ing liăn thăm mơnhông nâp ing mâu liăn ngân ƀă kơxô̆ liăn hrê ki u ối dêi liăn ngân kong pơlê hơnăm 2025 vâ xoăng ăm mâu cheăm bêng tơbleăng khăm rêm khế, khăm séa ngăn ivá ăm tâi tâng kuăn pơlê hơnăm 2026. Tơdrêng amê, Vi ƀan hnê ngăn kong pơlê pơcháu ăm Khu rak liăn ngân tơrŭm ƀă Khu ngăn pơkeăng pơlât Dak Lak pêi pro tơdroăng ki ‘no xoăng liăn ngân kố ăm mâu cheăm, bêng pêi cheăng.

Khu ngăn pơkeăng pơlât Dak Lak ăm ‘nâi, nôkố kơxô̆ liăn kố hiăng ai, khu xuân hiăng ai hlá mơ-éa hnê mơhno Vi ƀan hnê ngăn mâu cheăm, bêng mơjiâng rêm cheăm bêng môi Khu hnê mơhno khăm ăm tâi tâng kuăn pơlê mê cho teăng mâ cho khu cheăng tung khăm pơlât, Khu ngăn mâu ngế hơnăm hiăng krâ, Khu ngăn mâu ngế ki chó chêng tơvê kŏng, ƀă mâu khu râ, kơvâ cheăng, khu pú hên a cheăm bêng.