Kố cho tơdroăng cheăng pêi pro ai pơxúa ‘na cheăng kal kí, hlê plĕng trâu hơngế, mơhno tơdroăng ki mơnê dêi Đảng, Tơnêi têa ƀă Kuô̆k hô̆i ƀă mâu Nôu Việt Nam ki ai kuăn pro mố đô̆i hlâ, mâu lêng kring vế kuăn pơlê ƀă ngế ki ai hnoăng ƀă kăch măng; tơdrêng amê, hlối veăng gum hnê tối khôi hmâ pâ nhuô̆m tơnêi têa, hiâm mơno mơnê ƀă hnoăng cheăng pôu râng dêi mâu rơxông hâi kố ƀă tơdroăng cheăng mơjiâng ƀă rak vế Tơnêi têa.

Mơnê athế châ mơhno ƀă mâu tơdroăng cheăng pêi ki đi đo, ƀă tơdroăng ki rak ngăn krâu ƀă mâu tơdroăng cheăng pêi ki nhên, ai pơxúa. Ƀă hnoăng cheăng pôu râng dêi tơná, Kuô̆k hô̆i đi đo tơmâng ngăn khât ƀă mâu ngế ki ai hnoăng. Rôh kố jâ Nguyễn Thị Thanh, Phŏ kăn xiâm hnê ngăn Kuô̆k hô̆i ƀă Viê̆n hriăn ngăn Túa lĕm tro ƀă Túa rêh ối kuăn pơlê hiăng diâp tơmeăm mơnê ăm mâu Nôu Việt Nam ki ai kuăn pro mố đô̆i hlâ, khu lêng kring vế kuăn pơlê ƀă ngế ki ai hnoăng ki kơhnâ rơkê.