Tơdroăng tơkêa bro xing xoăng tơniăn tíu kuăn pơlê rêh ối  kơpong ki tro kong prâi pro ôh tá tơniăn cheăm Ia Tul ai tâi tâng kơlo liăn mơ’no lối 200 rơtal liăn, xua Khu pơkuâ mâu tơdroăng tơkêa bro mơ’no liăn mơjiâng pro tơmeăm kong pơlê Gia Lai pro khu mơ’no liăn cheăng. Tơdroăng tơkêa bro pêi pro vâ chê 22ha, châ mơ’no liăn tơdâng tơ’mô hngêi trăng, troăng klông kih thuât ƀă troăng klông tung khu, tíu mơ’no têa, on tơhrik bâ eăng on tơhrik kơtâu ƀă mâ hâi ƀă xing xoăng têa ô hum rôh jiếo ing 3 klôh pong.

Pôa Phạm Văn Đức, Kăn hnê ngăn Vi ƀan cheăm Ia Tul, kong pơlê Gia Lai tối ăm ‘nâi, tơdroăng tơkêa bro vâ xĕn thâ 207 rơpŏng kuăn pơlê a Bôn Jứ, kơpong hên hơnăm hiăng hluâ đi đo trâm tơdroăng ki tơhnah tơhnâp, mơnhâu troh châ chăn ƀă tơmeăm khoăng dêi kuăn pơlê rêm rôh kong mêi têa lân lu.