Tiô tiâ vâ dêi Khu xiâm ngăn Tơƀai Việt Nam, rôh kơneăng kố séa ngăn, ki tro po sap hâi lơ 23 troh tâi hâi lơ 28/7 vâ tối ki tơniăn lơ ôh dêi kơmăi mơhno troăng ƀă on mơhno ăm ‘nâi tơƀai  ki nếo ‘no liăn pro. Klêi hiăng pro klêi tơdroăng tơkêa bro mơdêk, Tơraih tơƀai Liên Khương hiăng tơrŭm ƀă mâu khu tơƀai mơjiâng pơkâ ‘mâi mơnhông troăng kơneăng sap hâi lơ 19/8.

Tiô tối hdrối, tơraih tơƀai kô kơneăng 36-40 rôh prôk vêh ƀă rêm hâi, tơdjêp ƀă Pơlê kong kân Hồ Chí Minh, Hà Nội, Đà Nẵng, Vinh, Cần Thơ ƀă Hải Phòng. Troăng kơneăng lâp plâi tơnêi sap Đà Lạt - Kuala Lumpur (Malaysia) xuân châ po ƀă 8 rôh kơneăng prôk vêh troh rêm măng tĭng. Krê tung hâi apoăng kơneăng prôk vêh, Tơraih tơƀai Liên Khương kô kơneăng châ  dâng 28 rôh kơneăng prôk klêi mê vêh.