A rôh trâm mâ, pôa Lê Hoài Trung tối Việt Nam ngăn Mih cho môi tung mâu kong têa tơrŭm ki kal má môi, púi vâ Mih pơtối mơnhông tơrŭm cheăng péa tơnêi têa trâu rơdâ tâ, ai pơxúa tâ, tơtro tâ ƀă tŭm tơdroăng, tơtro ƀă pơxúa ăm kuăn pơlê péa tơnêi têa, veăng ‘no hnoăng ki pơxúa pro hơniâp lĕm, tơniăn, tơrŭm tơrôa hlối mơnhông a kơpong ƀă tung lâp plâi tơnêi.

A rôh trâm mâ, péa pâ vâ môi tuăn pơtối tơrŭm tơkâ luâ xơpá tơdroăng tơplâ, kum mâu ngế tro rếo ‘mêi dioxin, hrik tah ƀom mìn, kơjo gum mơngế chó chêng mơngế tá chiâng prôk xua tro trếo ‘mêi, tăng mâu lêng Mih ki hía tung rôh tơplâ nah, xuân môi tiah tăng, tơkŭm ƀă mơnhên inâi kơxêng mơngế Việt Nam.

Pôa Lê Hoài trung tối ‘na tơdroăng mơ-eăm dêi Đảng ƀă Chin phuh Việt Nam tung tơdroăng mơdêk lăm tăng, tơkŭm ƀă mơnhên inâi kơxêng kiâ dêi mơngế Việt Nam.

Pakĭng mê, hlối khĕn kơdeăn, tối hnoăng veăng ‘no ki kal ‘na hồ sơ, tơdroăng nếo ai ƀă tơdroăng chêh, kŏng ngê̆ mơnhên ADN sap ing peăng Mih ƀă pâ thế peăng Mih pơtối rak vế pêi pro, po rơdâ tơrŭm cheăng ƀă ’măn  kơdĭng tơtro ăm kơpong kố.