A rôh tơdah, pôa Trần Cẩm Tú mơnhên Việt Nam môi tuăn sap apoăng troh tá tui lui ngăn Nhuk  cho môi tung mâu khu tơrŭm ki kal má môi ƀă ton xŏn, môi tuăn kong têa Nhuk mơnhông mơdêk ƀă pơtối veăng gum hên tung tơdroăng mơjiâng hơniâp lĕm, tơniăn, tơrŭm ƀă mơnhông a kơpong ƀă lâp plâi tơnêi.

Péa pâ môi tuăn tơrŭm krá tơniăn vâ pêi pro mâu tơdroăng môi tuăn dêi kăn pơkuâ râ xiâm péa tơnêi têa, tung mê tơdroăng thăm tơdjêp cheăng kâ ƀă tơniăn gâk kring cheăng kâ, tơrŭm khoa hok kŏng ngê̆, mơdêk ƀă pêi pro mâu tơdroăng tơkêa bro tơrŭm inhên tung mâu kơvâ nếo môi tiah pơhlêh xúa kŏng ngê̆, pơhlêh pêi cheăng kruá lĕm, pơhlêh tơmiât pêi rơkê, khoa hok kŏng ngê̆, kế ki chiâng hrik mơ’no hyôh.