Tơdroăng mê pơ-eăng hnoăng pleăng ta troh dêi mâu ngế hlâ xua tơplâ khên tơnôu. Nôu Việt Nam Khên tơnôu, lêng tro rong râ, châi tamo râ, nhŏng o kuăn ‘nĕng mơngế ki hlâ ai hnoăng, mâu lêng hneăng hdrối, hlối tơbleăng um méa mâu kăn ƀô̆, mâu lêng, mâu khu râ pơkuâ cheăng dế hâi măng lăm tăng chiâ rôu, tơkŭm kơxêng vâ mơnhên inâi hơnăm a kơxêng mơngế ki hlâ ai hnoăng.

Tơdroăng pêi pro mê tơbleăng lâp lu. Mơhno tuăn pâ, cho tơdroăng tơbâ hnê ăm mâu rơxông nôkố ‘nâi pâ nhoăm kơ mâu ngế hiăng hlâ tơplâ ai hnoăng tơnêi têa, mâu ngế hiăng pleăng rơxông ối nếo tơná, mơheăm chhá xua vâ pro tơniăn krê, hlâu niân ăm Tơnêi têa, xua tơdroăng hơniâp lĕm dêi kuăn pơlê; têk nhang pleăng xúa lĕm ăm mâu ngoh nâ ki hlâ khên tơnôu, tối ƀă mâu Jâ Nôu Việt Nam khên Tơnôu, nhŏng o xiâm mơngế hlâ ai hnoăng hlối tối mơ-eăm dêi Đảng, Tơnêi têa tung pêi pro tơdroăng “Pâ mơngế ai hnoăng ki hiăng hlâ xua tơniăn krê, hlâu niân dêi tơnêi têa”.

-