Dak Lak mơdêk tơbleăng Hlá mơ-éa chêh pơkâ 80 dêi Khu xiâm Kal kí ‘na mơnhông túa lĕm tro
Thứ tư, 10:00, 22/07/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Kơxê hâi lơ 21/7, pêi cheăng ƀă kơvâ ngăn túa lĕm tro, tơ’noăng ivá ƀă Ôm hyô, Vi ƀan kong pơlê Dak Lak pơkâ thế thâ pêi pro tiô Hlá mơ-éa pơkâ 80 dêi Khu xiâm Kal kí ‘na mơnhông túa lĕm tro Việt Nam.
6 Khế apoăng hơnăm, ôm hyô kong pơlê pơtối tâk hên ƀă lối 5,33 rơtuh tơmối, kơxô̆ liăn châ xo 9.600 rơtal liăn. Nốkố kong pơlê dế tơmâng pêi klêi hồ sơ “Mâu rơkê pêt kơphế ƀă uâ pơliê kơphế Dak Lak” pơtroh ăm UNESCO ƀă hồ sơ Mơdĭng kleăng têa pơtroh ăm râ xiâm Tơnêi têa.
Tối nhên Hlá mơ-éa chêh pơkâ 80 cho xiâm mơhno, pôa Y Nhuân Ƀyă, Phŏ kăn hnê ngăn Vi ƀan kuăn pơlê kong pơlê hnê mơhno ăm kơvâ ngăn túa lĕm tro thâ tăng ‘nâi plĕng luât pơkâ pêi, luât tŏng gum, teăm tơdrêng chêh inâi pơtroh ăm Hô̆i đong Kuăn pơlê dêi kong pơlê a rôh hôp chuyên đề xoăng mơngế pêi cheăng tơbleăng pêi tơbrê.
Viết bình luận