Tơdroăng tăng ngăn tơkŭm vâ tối ‘nâi tơdroăng hnê tối ăm kuăn pơlê ‘nâi ‘na luât tơnêi; tơdroăng pơkâ mâu hlá mơ-éa hnê mơhno, pơkuâ ngăn; tơdroăng cheăng pêi, ‘mâi hơ’lêh pơkâ, pơkâ xúa tơnêi, pơcháu tơnêi, ăm mung tơnêi, xo tơvêh tơnêi ƀă chêl thiăn liăn drêng pro hngêi ối u ê.

Ing tơdroăng tơbleăng pêi rôh má môi pêi cheăng, Khu kăn kô tơmâng hnê tối ing mâu kăn cheăm ƀă mâu kơ koan ki hmâ ‘na tơdroăng tơvâ tơvân, ôh tá tro, malối mâu pơkâ ki ối tơvâ tơvân pro pá ăm tơdroăng pro hlá mơ-éa. Kố cho xiâm ki kal vâ tơkŭm pâ thế pơtroh ăm Kuô̆k hô̆i ƀă mâu khu xiâm, kơ vâ cheăng tí tăng ngăn pê klêi luât pơkâ ‘na tơnêi tíu.