A hôp tơno tơdroăng kal, Khu pơkuâ tơdroăng cheăng Đảng kong pơlê hiăng diâp 11 pơkâ ‘na xing xoăng tơdroăng cheăng, pơtroh mơngế pêi cheăng, pơtroh mâu ngế pêi cheăng ƀă rah xo kăn ƀô̆. Ki má môi, pôa Trần Xuân Túc to pro Phŏ Kăn pơkuâ Vi ƀan séa ngăn Tĭnh ŭy; pôa Trần Văn Tân to pro Kăn pơkuâ hnê ngăn Đảng ủi bêng Phú Yên; pôa Ya Toan Êñuôl to pro Phŏ Kăn pơkuâ Pơtâng tối tơdroăng kal ƀă Mơhnhôk kuăn pơlê Tĭnh ủi.

Tơdrêng amê, Khu hnê mơhno má môi Hô̆i đong kuăn pơlê kong pơlê rah xo pôa Hoàng Trọng Hùng ƀă pôa Lê Phúc Long to pro Phŏ Kăn pơkuâ Ƀơrô Khu kăn teăng mâ Kuô̆k hô̆i ƀă Hô̆i đong kong pơlê. Rôh kố, Kăn hnê ngăn Vi ƀan kong pơlê xuân diâp pơkâ pơtroh, rah xo 5 ngế kăn ƀô̆ pơkuâ a mâu tíu pêi cheăng, kơvâ cheăng ƀă khu tê mơdró, tung mê pôa Y Hương Niê to pro Phŏ Kăn pơkuâ Khu pơkuâ Khoa hok ƀă Kơmăi kơmok, pôa Nguyễn Hoàng Phúc to pro Phŏ Kăn pơkuâ Khu pơkuâ kơpong cheăng kâ Phú Yên.