Hdrối mê, kơxo hâi lơ 20/7, Pơkuâ ƀă tối tơbleăng rôh pơxiâm hôp, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên: Hôp rôh kố ai tơdroăng pêi ki kal cho pơ‘lêh troăng cheăng ing Hlá mơ-éa chêh troăng hơlâ luât pơkâ hneăng Hôp má 14 chiâng luât pơkâ ki nhên vâ tah tíu pá, pro ăm hlâu xiâm ƀă pro xiâm mơnhông tơƀrê tâ nếo. Pôa Tô Lâm pơkâ thế mâu kăn tơmâng tơpui mơnhên tŭm a 13 tơdroăng ki kal dêi hên kơvâ cheăng, veăng hnê tối tơdrêng tơdroăng chêh tung Hlá mơ-éa chêh troăng hơlâ luât pơkâ ƀă Tơdroăng pêi pro.

Malối, mâu tơdroăng veăng hnê tối  thế pôe ‘nâng  ‘nâi, nhên, pơkâ thế troăng hơlâ vâ mơdêk hnoăng pơkuâ tơnêi têa, xo ki môi tuăn ƀă phâi tơtô dêi kuăn pơlê pro loăng rêk vê ki má môi.