Tiô tối tơbleăng, rơnó tôu pơla kố nah, Đô̆i K52 kong pơlê Gia Lai hiăng tăng rôu, tơkŭm 18 to kơxêng kiâ mố đô̆i a Kul ƀă 27 to kơxêng kiâ a cheăm bêng tung kong pơlê. Pêi pro “Cheăng pêi thâ 500 hâi măng”, Gia Lai hiăng tí tăng mâu tơdroăng kal vâ chê 42.000 to tơnâp ƀă xo 2.705 to ADN. Mơgêi rôh hôp, jâ Nguyễn Thị Thanh Lịch, Phŏ kăn hnê ngăn kong pơlê, pơchân cheăng tăng rôu ƀă mơnhên inâi kiâ mố đô̆i cho môi tơdroăng cheăng kal kí, pâ thế veăng gum kơtăng ƀă hiâm mơno pôu râng khât.

Jâ pơkâ thế mâu tíu pêi cheăng, kong pơlê séa ngăn tơdroăng kal, malối cho mâu klôh ki tâp pú hên a mâu tíu ki xiâm môi tiah Đăk Pơ, Đồi Xuân Sơn, Chư̆ Prông, tơdrêng amê, hlối tối tơbleăng ki tăng rêm măng tĭng ăm kơ koan pơkuâ cheăng. Tung cheăng xo ADN, pơkâ thế mâu khu ki pêi cheăng pôi tá pơtê; hlối pơcháu ăm Khu pơkuâ ngăn lêng kong pơlê mơ’no túa pơkâ pơto chơ túa tơmeăm rĕng tâ, tơniăn tâ.