Tiô pơkâ, jâ Cao Thị Hòa An, Kăn hnê ngăn Hô̆i đong kong pơlê to pro Kăn pơkuâ Khu hnê mơhno. Khu hnê mơhno ai hnoăng cheăng tơbleăng Khu pơkuâ tơdroăng cheăng Đảng kong pơlê, Khu pơkuâ Đảng ƀô̆ kong pơlê hnê mơhno, pơkuâ pêi pro châ tơƀrê Tơdroăng pêi cheăng 500 hâi măng tiô pơkâ dêi Khu hnê mơhno tơnêi têa ƀă Khu hnê mơhno Kuân khu 5 ‘na ti tăng, tơkŭm ƀă mơnhên inâi kơxêng kiâ mô đô̆i.

Khu xiâm pơkuâ mô đô̆i kong pơlê Dak Lak châ pơcháu cho kơ koan hnê mơhno dêi Khu hnê mơhno, tơrŭm ƀă Khu pơkuâ kăn ƀô̆ tơniăn tơdroăng pêi cheăng, tơkŭm tâi tâng tơdroăng ƀă tơbleăng pêi pro mâu hnoăng cheăng châ pơcháu. Pôa Lương Nguyễn Minh Triết, Kăn pơkuâ hnê ngăn cheăng Đảng kong pơlê tối ăm ‘nâi, pêi pro “Tơdroăng pêi cheăng 500 hâi măng mơdêk ti tăng, tơkŭm ƀă mơnhên inâi kơxêng kiâ mô đô̆i’’ cho hnoăng cheăng ki thâ, kal thế pêi pro kơtăng ƀă tơkŭm hnê mơhno vâ châ tơƀrê lĕm tro tâ.