Dak Lak hbrâ vâ mơhnhôk lối 24.000 ngế hbrâ ví xía vâ kong prâi pro ôh tá tơniăn
Thứ ba, 10:00, 21/07/2026
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV.Xơ Đăng - Hâi lơ 20/7, Khu hnê mơhno Hbrâ mơdât xía vâ tung kuăn pơlê dêi kong pơlê Dak Lak tơkŭm po hôp tơpui vâ môi tuăn hbrâ ví xía vâ kong prâi pro ƀă tŏng xo mơngế xía vâ hơnăm 2026.
Riên sap hơnăm nah troh nôkố, tung kong pơlê Dak Lak hiăng ai chât rôh kong prâi pro ôh tá tơniăn, pro hlâ hrĭng ngế ƀă lŭp kế tơmeăm châ hrĭng rơpâu rơtal liăn. Hlo ti mê, kong pơlê Dak Lak môi tuăn troăng hơlâ hơnăm kố mơhnhôk tăng lối 24.000 kăn ƀô̆, mố đô̆i ƀă hên dâng 35.000 toăng rơxế, plong, tơmeăm vâ lăm tăng teăm djâ kuăn pơlê ối a tíu tơniăn. Pơkuâ hôp, Đăi tă Lê Văn Hùng, Phŏ pơkuâ ngăn Lêng kong pơlê Dak Lak pơkâ thế mâu đông lêng tíu pêi cheăng thâ tăng ngăn pơkâ, vâ ’nâi nhên kơpong ki lâi kal ƀă pêi pro “4 tơdroăng a tíu mê”.
Hnối pơtối rak pêi kơtăng gak plâ hâi măng hbrâ vâ tơplâ, mơdêk hriâm rơkê vâ hbrâ pêi pro tơƀrê tung tŭm tơdroăng drêng trâm pá xua kong mêi khía.
Viết bình luận