Việt Nam nôkố ai dâng 1,4 rơtuh khu oăng ƀă 31 khu mơdró kâ păn tê têa kơdruâ ngi kong têa ê. Laga, kơvâ păn oăng dế trâm ƀă tơdroăng pơloăng mơnúa kân xua păn iâ êt, ki lĕm tá hâi tơ’mô ƀă tơrŭm tíu păn ối iâ tung tơdroăng tê mơdró a kong têa ê rế hía rế pro pá ‘na tí tăng xiâm kối.

A rôh hôp, mâu kăn hiăng tơkŭm tơpui ‘na troăng hơlâ mơdêk ki lĕm dêi hdrê, xúa kih thuât ki rơkê plĕng, hbrâ mơdât pơreăng ƀă mơdêk rơdêi tơrŭm cheăng ƀă khu mơdró kâ. Tung la ngiâ ah, tíu pêi cheăng mơhnhôk pêi chiâk kô mơdêk rơdêi po rơdâ mâu túa păn tơƀrê a mâu kơpong kong kế nhâ loăng têa; tơkŭm ăm kuăn pơlê lăm ngăn, hriâm tâp; tơdrêng amê, hlối tí tăng kong ngê̆ ƀă tŏng gum ngế ki păn oăng tơdjêp ƀă kơchơ tê mơdró, mơjiâng pro inâi têa kơdruâ OCOP krá ton.