Leh  tơbleăng Sầu riêng Dak Lak 2026 ƀă pơxá “Sầu riêng Dak Lak - Tơdjêp rế hơngế” kô po sap hâi lơ 15/8 troh lơ 2/9 la ngiâ, mê ai 17 tơdroăng pêi pro, tung mê ai 2 tơdroăng hnê tối châ tơbleăng pêi hdrối leh tơbleăng. A rôh hôp, mâu kăn xuân veăng hnê tối pê klêi tơdroăng mơhnhôk tŏng gum, hnê tối ƀă tơbleăng vâ mơdêk tơbrê tơkŭm po Leh tơbleăng.

Pôa Đào Mỹ, Phŏ Kăn hnê ngăn Vi ƀan kuăn pơlê kong pơlê Dak Lak pơkâ thế mâu tíu pêi cheăng tơmâng nhên tơdroăng tơkêa bro, thâ pê klêi mâu tơdroăng cheăng tro tiô tơdroăng. Tơmâng hnê pêi, ngăn nhên ivá pêi ƀă rĕng pê klêi tơdroăng cheăng dêi mâu khu mơdró, tíu pêi cheăng rơtế ƀă, tơniăn mâu tơdroăng cheăng châ pê klêi, ƀă châ pơ-eăng lâp lu tơdroăng Leh tơbleăng.